– Йыл хужаһын эшләп, төрлө конкурстарҙа ла ҡатнашабыҙ. Уҙған йыл ҡыҙҙарыбыҙ «Ҡар бабай» халыҡ-ара, «Тере йыл символы» ҡала кимәлендәге бәйгеләрҙә призлы урындар яуланы. Ҡул эше менән булышҡан балаларҙың уй-фекерләүе яҡшыра, матур итеп уҡыйҙар ҙа, – ти алтынсы синыфтарҙың тәрбиәселәре Гөлназ Ғиззәт ҡыҙы Кәшәфетдинова.
VIII синыфтарҙың тәрбиәселәре, был белем усағында 26 йыл эшләгән Гүзәл Ғәли ҡыҙы Фәрхетдинова:
– Яңы йылға әҙерлек ҡыҙыу бара. Уҡыусыларым ырғаҡ менән юлбарыҫ бәйләй, һүрәтен дә төшөрә. Беҙ бер конкурстан да ситтә ҡалмайбыҙ, – ти.
Ҡулдарығыҙҙан ҡыуанығыҙ, ҡыҙҙар!
Г. ФАКИЛОВА.
Күмертау ҡалаһы.