Һәр уҡыусы эш барышы этаптарын фотоға төшөрөп, һөйләргә әҙерләнеп килде.
Беҙҙә үҙенсәлекле технология дәресе үтте. Был көндө синыф бүлмәһе тәмле еҫтәргә тулды. Һәр уҡыусы үҙе әҙерләгән ризыҡ менән таныштырҙы. Өҫтәлгә бауырһаҡ, бәрәмәс, сәксәк, ваҡ бәлеш, бәлеш, ҡоймаҡ, ҡыҫтыбый, өсбосмаҡ, йыуаса, гөбәҙиә кеүек телде йоторлоҡ милли ризыҡтар теҙелде. Уларҙың һәр береһе тураһында һөйләшеп алғас, күмәкләшеп тәмләп сәй эсеү бигерәк тә күңелле булды.
Буш ваҡыттары аҙ булыуға ҡарамаҫтан, балаларға ихлас ярҙам итеп, милли ризыҡтарыбыҙға һөйөү һәм ҡыҙыҡһыныу тәрбиәләргә булышлыҡ иткән өсөн атай-әсәйҙәргә, өләсәй-олатайҙарға оло рәхмәтемде белдерәм.
Розалиә ЙӘЛИЛОВА, башланғыс синыфтар уҡытыусыһы.
Ауырғазы районы, Талбазы башҡорт гимназияһы.