+1 °С
Болотло
Бөтә яңылыҡтар
Айытмәмбәттә – яңы мәктәп
Айытмәмбәт ауылында яңы мәктәп асылды. Ауыл ерендә ул белем усағы ғына түгел, дөйөм бер социаль үҙәк булып тора. Мәктәп булһа, йәштәр тыуған ерҙәрендә ҡала, балалар һаны ла арта, ғөмүмән, ауыл йәшәй.
Яңы учреждение «Республиканың 100 йыллығына — 100 объект» программаһы буйынса төҙөлә. Халыҡтың әүҙемлеге, Башҡортостан Республикаһы Мәғариф министрлығының, етәкселәрҙең берҙәмлеге менән объект тиҙ арала сафҡа индерелә.
Айытмәмбәт мәктәбендә 60 бала белем аласаҡ. Бында шулай уҡ 40 тәрбиәләнеүсегә иҫәпләнгән балалар баҡсаһы ла урынлашҡан. Унда ике уйын һәм ике йоҡо бүлмәһе бар. Белем һәм тәрбиә биреүсе яңы комплекстың эргә-тирәһе тәртипкә килтерелгән, бина алды биләмәһендә асфальт түшәлгән. Спорт-уйын майҙансыҡтары махсус резина япма менән көпләнгән. Ғөмүмән, балаларҙың хәүефһеҙлеге һәм сәләмәтлеге өсөн бар шарттар ҙа булдырылған. Уҡыу бүлмәләре заманса ҡорамалдар менән йыһазландырылған. Махсус компьютер синыфында тулы комплектлы өс компьютер, ике интерактив таҡта, уҡыусылар өсөн 15 нетбук һәм планшет бар. Йыуыныу бүлмәһе булған спорт залы, фельдшер бүлмәһе, иркен һәм яҡты ашханаһы үҙенә йәлеп итеп тора. Ошондай заман талаптарына яуап биргән белем усағында шат ауаздар яңғырап торасаҡ.
Тантаналы сараға йыйылған ҡунаҡтар ауыл халҡын, балаларҙы ошо иҫтәлекле ваҡиға менән ҡотлап, изге теләктәрен, төҙөүселәргә рәхмәт һүҙҙәрен еткерҙе. Район хакимиәте башлығы Илшат Әминев уҡыусыларҙың тырышып белем тауҙарына үрләүҙәрен һәм артабан кесе Ватаныбыҙға кәрәкле белгестәр булып кире ҡайтыуҙарын теләне. Ал таҫмалар киҫелгәс, ҡунаҡтар яңы буяу еҫтәре аңҡып торған, иркен, яҡты, бөхтә мәктәп эсенә инде. Бында уларҙы балалар бәхетле йылмайып ҡаршы алды — матур шиғырҙар һөйләне, йырҙар башҡарҙы. Район мәҙәниәт йорто хеҙмәткәрҙәре, күрше ауыл һәүәҫкәр артистары ла байрамға үҙҙәренең музыкаль бүләктәрен килтергәйне.
Айытмәмбәт мәктәбе уҡыусыларына хәҙер бар булған мөмкинлектәрҙе файҙаланып, тырышып уҡырға, остаздарының өмөттәрен аҡларға ғына ҡала.
Дилара БӘҘРЕТДИНОВА.
Архангел районы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж