Китапханалар ҙа ҡатнаша

Балалар роботтар йыясаҡ, туҡыу нигеҙҙәрен үҙләштерәсәк, йүкә, йөн, туҡыма, еп, фетрҙан уйынсыҡтар яһаясаҡ һәм хатта ҡурсаҡ тегәсәк. Гаджет яратыусылар пластилиндан үҙ йәнһүрәтен төшөрә, диңгеҙ тәрәнлектәренә йә йыһанға виртуаль сәйәхәткә сыға ала. Пазл йыйып, лото уйнап, Башҡортостан һәм Рәсәй тураһында белемегеҙҙе тикшерергә мөмкин.

Фестиваль сиктәрендә китапхана коллекцияларынан ҡурсаҡтар һәм улар хаҡында китаптар күргәҙмәһе асыла. Башҡорт телендә һөйләшкән һәм йырлаған милли уйынсыҡтар ижад итеүсе Руфия Ханова үҙенең етештергән әйберҙәрен тәҡдим итәсәк.

Йәнә республиканың ете төбәгенең милли кейемдәрендә ҡурсаҡтар күрһәтеләсәк: Айгөл исемле ҡурсаҡ — Башҡортостандың көньяҡ-көнсығыш таулы райондары, Айһылыу – Урал аръяғы, Гүзәл – үҙәк райондар, Гөлсәсәк – Дим көньяҡ-көнбайыш комплексы, Һылыубикә – Һамар-Ырғыҙ комплексы, Таңсулпан – төньяҡ-көнбайыш, Йондоҙ төньяҡ-көнсығыш райондары вәкиле булараҡ сығыш яһаясаҡ.

Шулай уҡ рус, татар, удмурт, мари, латыш, украин, сыуаш, йәһүд, сиған һәм башҡа милли кейемдәрҙәге ҡурсаҡтар күргәҙмәһе була.

Фото: yandex.ru.