Һуңынан асыҡланыуынса, Һарытау өлкәһендәге бер ауылда был ике балаһын әсәләре (шулай тип әйтеп булһа) яңғыҙы тәрбиәләгән булған. Тикшереү күрһәтеүенсә, фажиғә булған көндө асыуы килеп, уларҙы тәүҙә быуған, шунан соҡорға алып барып ташлап, үҙе икенсе яҡҡа сығып киткән.
Ҡыҙын ауыр хәлдә дауаханаға һалғандар, табиптар әйтеүенсә, ул 4 - 5 сәғәт буйы аңһыҙ һыуыҡта ятҡан. Туңыуы сәбәпле, бармаҡтарын киҫеүҙәре ихтимал. Әле уның ғүмере һәм һаулығы өсөн Һарытау табиптары көрәшә.
Әсәй тип аталған кешене - 43 йәшлек ҡатынды Һарытау өлкәһенең икенсе ҡалаһында тотҡандар. Балаларҙың атаһы менән айырылышҡан булғандар.
Өлкәнең тикшереү комитеты был хәлде ентекле тикшерә, фажиғә сәбәптәре асыҡланыр.
Барыбер балаларына ҡаты бәғерле әсәне бер нисек тә аҡлап булмайҙыр. Ошондай фажиғәләр башҡаса ҡабатланмаһын ине, кешеләр бер-береһенә битараф булмаһын, атай-әсәйҙәр балаларын атайлы-әсәйле, бәхетле итеп тәрбиәләргә тырышһын. Балалар бәхетле булырға хоҡуҡлы.
Фото: poembook.ru