Сара башында Рәсәй Федерацияһы Президентының Волга буйы федераль округы буйынса тулы хоҡуҡлы вәкиле Игорь Комаров видеомөрәжәғәт менән сығыш яһаны. Шулай уҡ йәш армеецтарҙы Өфө районы хакимиәте башлығы Вилорий Угаров та ҡотланы.
Уҡыусылар тантаналы ант биргәндән һуң батырлыҡ дәресе үткәрелде. Унда Башҡортостан Республикаһы буйынса Баш федераль инспектор Алексей Касьянов һәм генерал-майор Игорь Харченко ла ҡатнашты. Улар йәш армеецтарҙы ҡотлап, Тыуған илдең тоғро улдары, ҡыҙҙары булыуҙарын теләне.
Һуңынан Хәрби дан музейының темаға ярашлы видео-роликтары күрһәтелде.