Шулай ҙа иң оҡшатҡан йырсыларым – Зинира менән Ризат Рамазановтар. Уларҙың тауыштары бик моңло, һәр яңы ижад емештәрен ашҡынып көтөп алам. Иң оҡшағаны – «Үпкәләмә» тигәне. Был йырға клип та төшөргәндәр. Бигерәк тә ҡушымтаһы матур килеп сыҡҡан. Йырсылар әйткәнсә, тормошта бер ваҡытта ла үҙ-ара үпкәләшеүҙәр булмаһын ине, кешеләр бер-береһен аңлап йәшәһен. Зинира менән Ризат Рамазановтарҙың йырҙарын тыңлап ултырһам, хатта бәләкәй ҡустым бейеп тә китә.
Тормош ауырлыҡтарына бирешмәйенсә, йыр менән бергә йәшәһәң, ғүмер итеү ҙә күңеллерәк. Ә һеҙ, дуҫтар, ниндәй йыр тыңларға яратаһығыҙ?
Әлфинә МОСТАФИНА, йәш хәбәрсе.
Бөрйән районы.
Байназар мәктәбе.