+23 °С
Облачно
Был донъяла ниҙәр бар?
30 Марта 2021, 06:56
Һуғыш балалары тураһында ҡанун cыҡты
Ниһайәт, Башҡортостанда бала саҡтары Бөйөк Ватан һуғышы йылдарына тура килгән инәйҙәр һәм бабайҙар айырым статусҡа эйә булды. Кисә республика Башлығы Радий Хәбиров Һуғыш балалары тураһындағы ҡанунға ҡул ҡуйған һәм ул хоҡуҡи мәғлүмәттәр порталында баҫылып сыҡҡан.
Һуғыш балалары статусына республикала даими йәшәгән, 1927 йылдың 22 июненән 1945 йылдың 3 сентябренә тиклем тыуған граждандар инә. Уларға дәүләт гарантиялары программаһы буйынса медицина хеҙмәттәренән сиратһыҙ файҙаланыу, стационар социаль хеҙмәтләндереү ойошмаларына юлламаны сираттан тыш алыу хоҡуғы биреләсәк.
Һуғыш балалары өсөн бер тапҡыр бирелә торған түләү республика Башлығы Указы менән билдәләнәсәк.
Әле Башҡортостанда һуғыш балалары иҫәбендә 189 мең 155 кеше бар. Танытмалар биреү тәртибе Башҡортостан Республикаһы Хөкүмәте тарафынан тәҡдим ителәсәк.
Ҡанун менән ошо һылтанма аша инеп таныша алаһығыҙ: https://npa.bashkortostan.ru/31535/
Фото: spbcult.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
