Ул Ленин майҙанында иртәнге сәғәт 10-да башлана. 11-се яртыла велосипедсылар старт аласаҡ. Салауат Юлаев майҙанына тиклем 9 километрлыҡ араны күмәкләп үтәсәктәр. Был маршрутта ҡатнашыусыларҙы ҡарап тороу ҙа - үҙе бер ҡыҙыҡ. Велосипедтың ниндәйен генә күрмәҫһең унда?! Быйыл самокаттар ҙа күп булыр инде. Ә ҡатнашыусыларҙың йәше сикләнмәгән.
Сәғәт 12-лә "Ватан" паркында саралар башлана. Концерт, уйын, балалар өсөн айырым ярыштар ҙа буласаҡ. Велосипедың булмаһа ла, ғаилә менән байрамда ҡатнашырға мөмкин.