Был хайуандар эре метопозаврҙар төрөнә ҡараған, төҙөлөшө бик боронғо ер-һыу эйәләренекен хәтерләтә. Оҙонлоғо – 2 метрҙан ашыу, ауырлығы – 100 килограмдан да артыҡ. Алгарви төбәгендә табылғанлыҡтан, уны Алгарви метопозавры тип атағандар.
Уның ҙур булмаған аяҡтары ҡоро ерҙә хәрәкәтләнергә ҡамасаулаған. Шуға был йән эйәләре балыҡ менән туҡланып, һыуҙа ғына йәшәгән.
Палеонтологтар ҡаҙыныу эштәре алып барғанда 10 баш һөйәге, 100-гә яҡын әлеге төр хайуан һөйәктәрен тапҡан. Күренеүенсә, һыу ятҡылыҡтары ҡороғанлыҡтан, улар һәләк булған.
Метопозавр ҡалдыҡтары быға тиклем Африка, Европа, Төньяҡ Америкала эҙләнеү мәлендә табылған. Был осраҡ шул осорҙағы һауа шарттарының ҡоро булыуын дәлилләй.
Фото: lucidincorporated.com