Яңы үрҙәргә әйҙәһен!

Беҙҙең балалар баҡсаһының фольклор коллективы Орджоникидзе районы мәктәпкәсә йәштәге балалар учреждениелары араһында уҙғарылған «Һаумы, һаумы, әкиәт!» конкурсында сығыш яһаны.

Улар «Өс ҡыҙ» тип аталған татар халыҡ әкиәтен күрһәтте. Кескәйҙәр бәйгелә беренсе тапҡыр көстәрен һынап ҡараны. Азамат Низамов автор һүҙҙәрен уҡыһа, Әмир Ғәлиуллин – Тейен, Амелия Сәлимйәнова – Әсә, Алиса Мырҙаҡова – Кескәй ҡыҙ, Камилла менән Эмилия Ялаловалар Өлкән һәм Уртансы ҡыҙ ролдәрен бик матур итеп, килештереп уйнаны.

Был бәйгегә бергәләп бик етди әҙерләнгәйнек. Әкиәт һайлағас, башҡорт телен яҡшы белгән балалар менән репетициялар үткәреп ҡараныҡ. Әсәйҙәр ҙә ситтә ҡалманы, беҙгә костюмдар әҙерләргә ярҙам итте. Тырышлығыбыҙ бушҡа китмәне: жюри ағзалары беҙгә икенсе урын бирҙе.

«Һаумы, һаумы, әкиәт!» конкурсы һәр бала күңелендә оҙаҡ һаҡланып, яңынан-яңы үрҙәргә әйҙәп торһон.

Зөһрә ЗАРИПОВА.
Өфө ҡалаһы,
69-сы белем биреү үҙәге.

1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы. Баш мөхәррире - Мирсәйет Ғүмәр улы Юнысов.

Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры – ПИ №ТУ02-01403.

Телефон

8 (347) 273-36-64, 8 (347) 272-83-85. 8 (347) 272-33-03

Электрон почта

yanshishma@yandex.ru

Адресы

450079, г. Уфа, ул. 50 летия Октября, 13, 8-й этаж