+10 °С
Болотло
TelegramЕңеү – 77!VKOKTikTok
Бөтә яңылыҡтар
Общие статьи
16 Октябрь 2020, 15:55

Республикабыҙға дан йырланыҡ

Башҡортостан – тыуған ерем,Һиндә тыуҙым, һиндә үҫәмен.Һинән яҡын, һинән гүзәлерәкЮҡтыр бер ил – шуны беләмен!

Республикабыҙҙың тыуған көнө айҡанлы 1-cе Этҡол мәктәбендә бик күп саралар үткәрелде. V – XI синыф уҡыусылары өсөн тарих уҡытыусыһы Вәлиә Зөбәйер ҡыҙы «Башҡортостанды беләһеңме?» исемле викторина ойоштор­ҙо. Урта синыф уҡыусылары араһында Гүзәл Айҙар ҡыҙы тарафынан үткәрелгән шиғыр һөйләүселәр бәйгеһе «Республикама дан йырлайым!» тип аталды. Башланғыс синыфтар өсөн һүрәттәр конкурсы иғлан ителде. Бөтә синыф уҡыусылары өсөн дә «Ел йыры» исемле ҡыҫҡа метражлы фильм ҡарау ойошторолдо. Ә мәктәп китапханаһында ошо күркәм датаға бағышланған тематик күргәҙмә ҡуйылғайны.

Байрам саралары бик йәнле барып, барлыҡ синыфтарҙа ла синыф сәғәттәре менән йомғаҡланды. Дәрестәр Баш­ҡорт­остан Республикаһының дәүләт суверенитеты тураһындағы декларацияны ҡабул итеүҙең – 30 һәм Баймаҡ районының 90 йыллығына арналды. Улар барышында уҡыусылар республикабыҙҙың бай тарихлы булыуына тағы бер тапҡыр инанды.


Гүзәл МӘХМҮТОВА.
Баймаҡ районы.


Читайте нас в