+10 °С
Болотло
TelegramЕңеү – 77!VKOKTikTok
Бөтә яңылыҡтар
Общие статьи
23 Октябрь 2020, 21:05

Эттәр – беҙҙең дуҫтар

Яңыраҡ беҙҙә Халыҡ-ара аҡ таяҡ көнө билдәләнде.

Ул сәләмәтлеге буйынса мөмкинлеге сикләнгән уҡыусылар өсөн «Йөрөтөүсе эт» исемле фотокүргәҙмәнән башланды.

Осрашыуға «Аҡтырнак» клубы етәксеһе, эттәр буйынса белгес Гүзәл Хәсәнова үҙенең Андораһы менән килгәйне. Балалар эттәрҙе ҡулға өйрәтеүгә арналған фильмдарҙан өҙөктәрҙе мауығып ҡараны, һуҡыр кешеләрҙең тормошо менән танышты. Китапханасылар Брайль шрифы тураһында һөйләп китте.

Был кисәлә ҡыҙҙар, малайҙар эттәрҙең һуҡыр кешеләргә нисек ярҙам иткәнен белде. Ә һуңынан инде йәш китап уҡыусыларға дүрт аяҡлы дуҫтарыбыҙ хаҡында яҙылған мауыҡтырғыс китаптар тәҡдим ителде.

Любовь ОСНАЧ, китапхана мөдире.
Өфө ҡалаһы,
47-се моделле балалар китапханаһы.

Читайте нас в