+10 °С
Болотло
TelegramЕңеү – 77!VKOKTikTok
Бөтә яңылыҡтар
Еңеү – 77!
9 Май , 15:50

Кескәй йөрәктәрҙә - ғорурлыҡ тойғоһо

Әлшәй районының Тәүәтәй ауылына баш ҡалабыҙҙан ҡунаҡҡа ҡайтҡан Рәлиә, Рәфилә һәм Финат Кәримовтар Бөйөк Еңеү көнөнә арналған тантаналы сарала ҡатнашты.

Кескәй йөрәктәрҙә - ғорурлыҡ тойғоһо
Кескәй йөрәктәрҙә - ғорурлыҡ тойғоһо

Һуғыш, тыл ветерандары булған ҡарт олатайҙары һәм өләсәйҙәре Миңлегәрәй Муллағәли улы Муллағолов, Фәрхинур Сөләймән ҡыҙы һәм Әғзәм Ғәбдрафиҡ улы Ғәлимовтарҙың фоторәсемдәрен тотоп, ғорурланып йөрөнөләр. Шулай булмай әллә! Яугир ейән-ейәнсәрҙәре бит улар!

Ҡыҙҙар Өфөләге 122-се башҡорт гимназияһында уҡый. Рәфилә - III, Рәлиә II синыф уҡыусыһы. Ҡустылары Финат әлегә балалар баҡсаһына йөрөй.

Бәләкәй генә булһалар ҙа, ҡаһарман олатай-өләсәйҙәре хаҡында бик яҡшы беләләр. Еңеү бүләк иткән ҡәҙерле кешеләрен онотмайҙар. Афариндар!

Автор:Юлиә Кирәева
Читайте нас в