Шаян елдәр наҙлап тарай
Ҡайындың бөҙрә сәсен.
Тирә-яҡҡа аҡ нур сәсеп,
Күктә оса күгәрсен.
Ҡанаттарын еңел елпеп,
Йырлай ул "гөлдөр-гөлдөр".
Шул ҡошсоҡтоң талпыныуын
Күҙәтә ерҙән гөлдәр.
Күгәрсен менән бергәләп
Сәскәләр осор ине,
Әгәр ҡайын ялынмаһа,
Ҡалдырмағыҙ, тип, мине.
Һәр нәмәнең үҙ урыны:
Күгәрсен - иркенлектә.
Ә гөл-сәскә һәм ҡайынҡай
Уны ҡунаҡҡа көтә.
Шуға күрә аҡ күгәрсен,
Тамамлағас сәфәрен,
Ашҡынып гел ергә төшә,
Һағынып дуҫ-иштәрен.
Зарина БАҒЫШАЕВА.
Фото:zoom.ru