Иң өлкән йәштәге ауылдашыбыҙ Дүлә инәй ҙә ситтә тороп ҡалманы. Ул тәүгеләрҙән булып бүләктәрен, күстәнәстәрен килтерҙе. "Балҡыш" клубы ағинәйҙәре туҡмас киҫеү ойошторҙо.
– Туҡмасты ысын күңелдән, йөрәк йылыһын ҡушып киҫтек. Тыуған яҡтарынан ситтә, яу яланында йөрөгән егеттәребеҙ яҡташтарының күңел йылыһын тойһон, өй ризығын ауыҙ итһен, – ти ағинәйҙәр. – Иң мөһиме, иҫән-һау тыуған яҡтарына әйләнеп ҡайтһын һалдаттарыбыҙ!
Амин, изге теләктәрегеҙ тормошҡа ашһын!
Ысын күңелдән акцияла ҡатнашҡан ауылдаштарға рәхмәтебеҙҙе белдерәбеҙ. Афарин, ситтә ҡалманығыҙ. Был изге ғәмәлегеҙ ерҙә ятып ҡалмаҫ, үҙегеҙгә сәләмәтлек, ғаилә именлеге, балалар ҡыуанысы булып әйләнеп ҡайтыр, Алла бойорһа!
Ишҡар халҡы берҙәм баҫты
Күстәнәс әҙерләргә.
Яуҙа йөрөгән һалдаттарға
Яҙһын ауыҙ итергә.
Гүзәл САҘРЕТДИНОВА, башҡорт теле һәм әҙәбиәте уҡытыусыһы.
Илеш районы.
Фото: Г. Саҙретдинова.