Донъялағы иң бөйөк моң –
Аҙан тауышы, аҙан.
Өммәтен туплар изге ай –
Мең хикмәтле Рамаҙан!
Донъялағы иң бөйөк һүҙ –
Ҡөрьәндәге хәҡиҡәт.
Аҡылың менән уҡы ла,
Йөрәгең итһен диҡҡәт.
Тик бер сүрә ятлағандар
Ала йәнгә мең һиммәт!
Хәрәкәттә – бәрәкәт ул.
Намаҙҙа иң ҙур хикмәт.
Иң бөйөк һүҙ – Аллаһ һүҙе!
Рәхимле ул, әл-Ғәҙим!
Доғаларымдың изгеһен,
Ниәттәремдең иң сафын
Үҙеңдеке ит, Рәхим!
Фото: dumsk.com