Ойоштороусыһы - Гуманитар Проекттар Фонды. Рәсәйҙең бөтә 85 төбәгенән дә уҡыусылар ҡатнаша ала. Балаларға мәктәп йәшенән киләсәккә һөнәр һайларға, мөмкинлектәрен асырға ярҙам итеүсе, йүнәлеш биреүсе проектта һеҙ ҙә ҡатнашығыҙ, дуҫтар.
https://bvbinfo.ru/ платформаһында уҡыусылар теркәлеү үтеп, онлайн-дәрестәр ҡарай ала. Шулай уҡ цифрлы платформаның асыҡ өлөшө лә бар. Унда теләгән һәр кеше теге йәки был һөнәрҙә үҙен һынай. Тестар, викториналар, төрлө һөнәрҙәр тураһында видеороликтар һәм башҡалар ҙа бар.
1 - 15 сентябрҙә Бөтә Рәсәй һөнәри йүнәлеш дәрестәре үтәсәк. Тимәк мәктәптәрҙә проект тормошҡа ашырыла башлай, тигән һүҙ. Ойоштороусылар унда 300 меңдән ашыу уҡыусы ҡатнашыр,тип күҙаллай.
Фото: https://bvbinfo.ru/