Уның нигеҙендә танылған спортсылар ҡатнашлығында оҫталыҡ дәрестәре ойошторола.
Ошо көндәрҙә Стәрлетамаҡ ҡалаһында Башҡортостан йыйылма командаһының баш тренеры Рәмил Сираев, насар ишетеүселәр араһында өс тапҡыр донъя чемпионы Исмаил Насрулаев, 2021 йылғы донъя беренселеге еңеүсеһе Адлан Амриев һәм Европа беренселеге призёры Аслан Толов оҫталыҡ дәрестәрен үткәрҙе.
“Стәрлетамаҡта бындай саралар – көтөп алынған байрам. 2019 йылда асылған көрәш мәктәбендә тәрбиәләнеүселәр 48 ярышта, шул иҫәптән халыҡ-ара ярыштарҙа ҡатнашырға өлгөрҙө», – тип билдәләп үтте спорт көрәше мәктәбенең директоры Игорь Каширин.
Саҡырылған ҡунаҡтар менән бергә тәрбиәләнеүселәр киләсәктә халыҡ-ара аренала еңеү яуларға ярҙам итәсәк яңы алымдарҙы ла өйрәнде.
Фото: srk.nationalpriority.ru