Беҙҙең әсә телебеҙ ул - башҡорт теле. Уның моңо, көсө һәм ҡеүәте, шиғри биҙәге һәм тапҡырлығы, булат ҡылыстай үткерлеге, куркәм яңғырашы,аһәңлеге беҙҙең ҡаныбыҙға һеңгән. Телен, ер-һыуын һаҡлап, илен яҡлап, намыҫын тапатмаҫ өсөн нисә быуын халҡым яу ҡайтарған, даулашҡан. Дошмандары тиҫтәләрсә,йөҙҙәрсә,меңдәрсә ауылдарҙы яндырғанда ла,ҡаты язалағанда ла халҡыбыҙ туған телебеҙҙе ҡурсалаған.Шуға ла туған телебеҙ - ата-бабаларыбыҙҙан ҡалған үлемһеҙ бүләк, иң изге аманат.
Туған телебеҙ киләсәк быуындың телендә мәңге йәшәһен, яңғыраһын өсөн уны һаҡларға, яҡларға, яратырға бурыслыбыҙ. Телебеҙ яҙмышы -илебеҙ яҙмышы ул!