1 июлдән башлап 31 авгусҡа тиклем дауам иткән акцияның маҡсаты – ауыр тормош хәлендә булған ғаиләләргә ярҙам итеү, балаларҙы яңы уҡыу йылына әҙерләү. Уның ойоштороусылары – Башҡортостан Ғаилә, хеҙмәт һәм халыҡты социаль яҡлау министрлығы, “Ғаилә” республика ресурс үҙәге. Республика район-ҡалаларында урынлашҡан “Ғаилә” үҙәктәре бүлектәрендә мәктәп кәрәк-яраҡтары йыйыу ойошторолған: канцелярия тауарҙары, дәфтәр, һүрәт төшөрөү кәрәк-яраҡтары, балалар ижады өсөн йыйылмалар ҙа акцияла ҡатнашыусыларҙан бары тик яңы килеш кенә ҡабул ителә. Портфель, мәктәп формаһы, дәреслектәр, нәфис әҙәбиәт – яңы йә иһә яҡшы хәлдә булһа ғына. Йыйылған әйберҙәр социаль яҡлау учреждениеларында иҫәптә тороусы ғаиләләргә ебәреләсәк.
Фото: Башинформ