Юлдарҙа балалар һәм үҫмерҙәр менән бәйле юл-транспорт ваҡиғалары бигерәк тә йыш осрай. Ағымдағы йылдың 9 ай һөҙөмтәләре буйынса, сабыйҙар ҡатнашлығында 377 автомобиль аварияһы теркәлгән. Ҡыҙғанысҡа күрә, унда 16 бала һәләк булған, 420-һе йәрәхәт алған.
Ошондай күңелһеҙ осраҡтарҙы булдырмау, кәметеү маҡсатында 25 октябрҙән ЮХХДИ инспекторҙары көсәйтелгән режимда эшләй – рейдтарға сыға. Бындай иҫкәртеү сараларын үткәреү ыңғай һөҙөмтә бирә. Юл хәрәкәте ҡағиҙәләрен боҙоп, руль артына иҫерек килеш ултырған водителдәрҙе, башҡа кешеләрҙе хәүеф аҫтына ҡуйғандарҙы тотоуҙа бигерәк тә ҙур ярҙам.
Фото: mogilev.biz