Тирә-яҡта йәйрәп ята
Көнбағыш баҫыуҙары.
Миңә ҡарап көлөп торғас,
Баҫыла ярһыуҙарым.
Баҫыуҙарҙы арҡыры-буй
Рәссам йүгереп уҙған,
Көнбағыштың һәр бер тажын
Алтынға мансып ҡуйған.
Зәңгәр күктә сағыу ҡояш
Яҡты итә көндәрҙе.
Ерҙәге мең-мең ваҡ ҡояш
Иретә күңелдәрҙе.
Люциә ФАЗЛИӘХМӘТОВА, уҡытыусы.
Миәкә районы, Ҡаран-Ҡуңҡаҫ мәктәбе.
Фотола: Әбйәлил районы Яңы Балапан ауылынан Наҙгөл һәм Илсур Зәйтүновтар.