Биштәрҙәр йыйылған, дәфтәрҙәр алынған, костюм-күлдәктәр әҙер, нисек кенә булмаһын, сентябрь уҡыусылар өсөн – стресс. Мәктәпкә, дәрескә әҙерлек кеүек актуаль темаларға бер нисә лайфхактар тәҡдим итәбеҙ, саҡ ҡына булһа ла йыуаныс булыр.
*Портфелдән кәрәкле дәфтәрҙе әҙләүгә бик күп ваҡыт сарыф итмәҫ өсөн уның тышына фломастер менән берәй билдә яһап ҡуйығыҙ
*Яңы дәрес теҙмәһен бер нисек тә иҫтә ҡалдыра алмаһаң, телефоныңа төшөрөп ал да фотоһын блокировка экранына ҡуй.
*Шиғырҙы тиҙ өйрәнеү өсөн бер нисә тапҡыр ҡысҡырып уҡырға һәм шул уҡ ваҡытта диктофонға яҙҙырып алырға кәрәк. Һуңынан ҡолаҡсындар кейеп тыңлап йөрөгөҙ, хәтерҙә яҡшы һаҡланасаҡ.
*Инглиз телен өйрәнеү өсөн өйҙәге әйберҙәрҙең исемдәрен айырым карточкаларға яҙып, өҫтәренә йәбештереп ҡуй.
Фото: www.instagram.com