+13 °С
Болотло
Бөтә яңылыҡтар
Тирмәкәй
26 Июнь 2021, 10:16
"Кәкүк сәйе"нә йыйылдыҡ
Йылдың уңышлы килеүен, ашлыҡ-иген уңыуын, ямғыр яуыуын теләп, «Йәйғор» балалар баҡсаһының «Умырзая» төркөмөндә «Кәкүк сәйе» байрамы уҙҙы.
Ул йәшел хәтфәле ихатала башланып китте. Кескәйҙәргә Оло инәй «Кәкүк сәйе» йолаһының риүәйәтен һөйләне. Балалар тәрбиәселәре Әлиә Сәлимова менән йырҙар йырлап, бейеп, «Тирмә», «Йәшерәм яулыҡ» кеүек халыҡ уйындары уйнап, рәхәтләнеп күңел асты. Тәрбиәсе Ләйсән Яруллина байрамдың төп ҡунағы – Кәкүк булып осоп килеп, ҡыҙҙар менән «Кәкүк» бейеүен башҡарҙы.
Ата-әсәләр алып килгән тәмлекәстәр менән саф һауала сәй эсеү ҙә кескәйҙәргә ныҡ оҡшаны. Ә аҙаҡтан балалар Оло инәй менән бергәләп, кәкүк ауыл, йорт тирәһенә килмәһен, бәлә-ҡаза көтөлмәһен, тип ағас төбөнә һөт ҡойҙо, табындан ҡалған ризыҡтарҙы, теләктәр теләй-теләй, шунда ҡалдырҙы.
Был матур йола аша борон-борондан башҡорт халҡының тәбиғәткә һаҡсыл мөнәсәбәтле, ҡоштарға ҡарата изге ҡарашта булыуҙарын кескәйҙәр күңеленә еткерергә тырыштыҡ.
Йәмилә ХӘЙБУЛЛИНА,
балалар баҡсаһының башҡорт теле уҡытыусыһы.
Хәйбулла районы, Аҡъяр ауылы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж