+1 °С
Ҡар
Бөтә яңылыҡтар
Онотмаһын тыуыр быуындар
Бөгөн, 30 октябрь – Сәйәси репрессия ҡорбандарын иҫкә алыу көнө.
«Ер күтәрмәҫ ауыр был вәхшәтте
Ил күтәрҙе, төшкәс башына.
Килер быуындарға ғибрәт итеп,
Яҙ һин уны тарих башына.
Был вәхшәтте тарих онотмаһын,
Онотмаһын тыуыр быуындар...»
Был юлдар Башҡортостандың халыҡ шағиры Рәми Ғариповтың 1937 йылғы сәйәси репрессия тураһында әсенеп яҙған «Табыныу» поэмаһынан. Бик ауыр йылдар булған. Сталин осоронда беҙҙең рес-публиканан да 50 меңдән ашыу кеше нахаҡҡа ғәйепләнеп, репрессияға эләккән. Улар – урыҫ, башҡорт, татар һәм башҡа милләттәрҙән, крәҫтиәндәр, эшселәр, интеллигенция вәкилдәре, руханиҙар...
Башҡорт кинорежиссёры Булат Йосоповтың «Беренсе республика» тарихи фильмы нәҡ шул ҡанлы осорҙо һүрәтләй. Сценарийын Таңсулпан Бабичева менән Гөлсәсәк Саламатова «Башҡортостан» гәзитенең ул ваҡыттағы баш мөхәррире Ҡасим Аҙнабаевтың иҫтәлектәре буйынса яҙған. Халҡыбыҙҙың күренекле шәхестәре Ғәзиз Әлмөхәмәтов, Дауыт Юлтый, Ғабдулла Амантай, Ғөбәй Дәүләтшин, һәҙиә Дәүләтшина, Зәйтүнә Бикбулатова, Вәлиулла Мортазин-Иманский, Мәкәрим Мәһәҙиев, Дауыт Юлтыйҙың ҡыҙы – буласаҡ балет йондоҙо Нинель Юлтыеваларҙың яҙмышы аша ул ауыр йылдарҙағы ваҡиғаларҙы нисек булған шул килеш күҙ алдына баҫтыраһың... Ә бит сәйәси репрессия ҡорбандарының әллә күпмеһен атҡандар, ҡалғандарын төрмәләргә япҡандар, һөргөнгә ебәргәндәр.
Бөгөн уларҙы иҫкә алабыҙ. Башҡортостанда сәйәси репрессия ҡорбандарының 5 томлыҡ Хәтер китабы сығарылған, Өфөнөң Йәштәр мәҙәниәт һарайы янындағы скверҙа, улар ерләнгән урында, һәйкәл ҡуйылған.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж