-6 °С
Болотло
Бөтә яңылыҡтар
Этнографик диктант яҙырға килегеҙ!
Иртәгә, 1 ноябрҙә, Халыҡтар берҙәмлеге көнө алдынан “Ҙур этнографик диктант” Бөтә Рәсәй акцияһы үтә. Ул илдең барлыҡ төбәктәрендә һәм сит илдәрҙә урындағы ваҡыт буйынса 11.00 сәғәттә башланасаҡ.
Башҡортостанда ҙур этнографик диктантты 55 майҙансыҡта яҙырға була. Киң масштаблы был акция илдә дүртенсе йыл рәттән үткәрелә. Ул халыҡтың этнографик грамоталылығын, Рәсәйҙә йәшәгән халыҡтар тураһындағы белеме кимәлен баһалау мөмкинлеге бирәсәк.
Диктант 30 һорауҙан торасаҡ: 20 һорау дөйөм, 10-һы үҙегеҙ йәшәгән төбәккә бәйле буласаҡ. Диктантты яҙыуға 45 минут ваҡыт биреләсәк. Бөтә һорауҙарға ла дөрөҫ яуап бирә алғандар 100 балл аласаҡ.
Ҙур этнографик диктантты ойоштороусы булып Милләттәр эше буйынса федераль агентлыҡ һәм Удмурт Республикаһының Милли сәйәсәт министрлығы тора. Партнеры – Бойондороҡһоҙ дәүләттәр берлеге, сит илдәрҙә йәшәгән ватандаштар һәм халыҡ-ара гуманитар хеҙмәттәшлек эштәре буйынса федераль агентлыҡ.
Башҡортостанда акцияны республиканың Мәҙәниәт министрлығы, Мәғариф һәм фән министрлығы, Халыҡтар дуҫлығы йорто ойоштора.
Әгәр диктантты төрлө сәбәптәр буйынса төбәк майҙандарында яҙа алмайһығыҙ икән, 1-нән 4 ноябргә тиклем сараның www.miretno.ru рәсми сайтында онлайн-тест булараҡ үтергә мөмкин.
Һорауҙарға дөрөҫ яуаптар 10 ноябрҙә юғарыла күрһәтелгән рәсми сайтта баҫыласаҡ. Былтыр диктантты илдә 392 мең кеше 4567 майҙансыҡта яҙғайны. Башҡортостанда 3137 кеше ҡатнашты, 28 майҙансыҡ ойошторолғайны.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж