Йомабай Иҫәнбаев Хәйбулла районы Үрге Смак ауылында тыуған. Ул - Бөйөк Ватан һуғышында һәләк булған башҡорт совет ҡурайсыһы, үлгәндән һуң 1991 йылда Башҡорт АССР-ының халыҡ артисы исеме бирелә. Ҡурайҙа профессиональ уйнау сәнғәтенә нигеҙ һалыусы, башҡорт милли музыка ҡоралын Франция, Германия, Швеция, Бельгия һәм Голландия сәхнәләрендә танытҡан тәүге музыканттарҙың береһе.
Әлеге көндә Хәйбулла районында Йомабай Иҫәнбаев музейы эшләй. Йомабай Иҫәнбаев исемендәге ҡурайсылар бәйгеһе лә ойошторола.
Фото: https://vk.com/kulturarb.