Улар – Ишембай районы Үрге Этҡолдағы 11-се филиал, Ҡыйғы районындағы Түбәнге Ҡыйғы, Иглин районындағы Көҙәй ауыл, Дыуандағы зона, Салауат районындағы Торналы ҡасаба китапханалары. Был китапханаларға федераль һәм республика ҡаҙнаһынан 5 миллион 100 мең һум аҡса бүленәсәк. Әлеге сумма уларҙың эшмәкәрлеген яңыртыу, матди-техник нигеҙен нығытыу, китап фондын яңыртыу, һөҙөмтәле идара итеү моделдәрен индереүгә йүнәлтеләсәк.
Хәтерегеҙгә төшөрөп үтәбеҙ, «Мәҙәниәт» милли проектының «Мәҙәни мөхит» федераль проектына ярашлы, республикабыҙ китапханалары йыл һайын һайлап алыу конкурсында ҡатнаша. Әлеге көндә Башҡортостандың Благовар, Дүртөйлө, Илеш, Ҡариҙел һәм Туймазы райондарында биш заманса яңы быуын китапханалары булдырылған.
Фото: https://vk.com/kulturarb.