-8 °С
Болотло
TelegramТестарVKOK
Бөтә яңылыҡтар
Новости
27 Октябрь 2020, 18:37

Видеояҙмалар конкурсы юл хәрәкәте ҡағиҙәләренә арнала

«Юл хәүефһеҙлеге. Балалар» республика фестиваленә ярашлы, 25 октябрҙән 10 декабргә тиклем белем биреү учреждениелары уҡыусылары араһында республика видеояҙмалар конкурсы үтәсәк. Ул балаларҙың юл-транспорт ваҡиғаларында йәрәхәтләнеүен иҫкәртеүгә арнала.

Конкурс ике этаптан торасаҡ: тәүгеһе – муниципаль этап 30 ноябргә тиклем барһа, икенсеһе – республика этабы 10 декабргә тиклем. Балаларға үҙҙәренең көсөн «Анимация ролигы» (темалары – «Төп юл хәрәкәте ҡағиҙәләре», «Пассажир балаларҙы йөрөтөү ҡағиҙәләре», «Балалар – йәйәүлеләр һәм велосипедсылар»), «Социаль ролик» (темалары – «Йәйәү йөрөү ҡағиҙәһе – нигеҙҙәрҙең нигеҙе», «Боҙма!», «Юлда тәртип – минең киләсәгем»), «Йәш блогер» (Юл хәрәкәте ҡағиҙәләрен нисек боҙорға ярамағанлығын күрһәткән видеояҙмалар) номинацияларында һынап ҡарарға мөмкин. Тулыраҡ мәғлүмәтте https://vk.com/club189590235 һылтанмаһы буйынса инеп ҡарай алаһығыҙ.
Читайте нас в