-27 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Новости
11 Декабрь 2020, 09:05

Мәҙәниәт ирекмәндәре акцияға ҡушылды

"Мәҙәниәт" милли проектына ярашлы Октябрьский ҡалаһының мәҙәниәт ирекмәндәре "Бергәләп китап яҙабыҙ" акцияһына ҡушылды. Улар Муса Хәкимовтың ҡулъяҙма китабын компьютерҙа йыйыуҙа ҡатнаша.

Октябрьский ҡалаһының 75 йыллыҡ юбилейы алдынан тарихи-тыуған яҡты өйрәнеү музейы Бөйөк Ватан һуғышы ветераны Муса Ғәббәс улы Хәкимовтың ҡулъяҙмаларын баҫтырыу тәҡдиме менән сығыш яһаған. Уның ҡулъяҙма китабы Туймазы ятҡылығында нефтселәрҙең фиҙаҡәр хеҙмәте һәм тыуған ҡалаһының барлыҡҡа килеү тарихы тураһында һөйләй. Музей директоры һүҙҙәренсә, ҡулъяҙма машинкала баҫылып, музейға тапшырылған. Фотолар менән 300 битлек текст тарихи ҡиммәтте күрһәтә. Инде хәҙер ирекмәндәр тырышлығында китап заманса төҫ аласаҡ. Уның менән ҡала халҡы ғына түгел, бөтә тарих менән ҡыҙыҡһыныусылар ҙа таныша аласаҡ.
"Бергәләп китап яҙабыҙ" акцияһы Добро.ру сайты (https://dobro.ru/event/10026143) аша онлайн үтә.


Читайте нас в