Бөтә яңылыҡтар
Новости
21 Декабрь 2020, 18:26

Кемдең экологик шыршыһы иң үҙенсәлеклеһе булыр?

Яңы йыл етеүгә лә күп ҡалманы. Был байрамды шыршыһыҙ күҙ алдына ла килтереүе ҡыйын. Уны үҙең яһап ҡуйһаң, бигерәк һәйбәт инде. Етмәһә, эшләгән шыршың менән «Минең Яңы йылдағы экологик шыршым» конкурсында ла ҡатнаша алаһың. Уны «Йәшел Башҡортостан» хәрәкәте ойоштора.

Бының өсөн нимә эшләргә һуң?
  1. Иң беренсе, әлбиттә, экологик шыршы яһарға кәрәк. Бының өсөн экологик материалдар ғына ҡулланығыҙ. Сөнки беҙ шыршыны ғына түгел, тирә-яҡты ла сүп-сарҙан ҡотҡарабыҙ;
  2. Килеп сыҡҡан эшегеҙҙе фотоға йәки видеоға төшөрөргә;
  3. Фотоларҙы йәки видеоны «Бәйләнештә» йәки «Инстаграм» селтәренә һалырға;
  4. Ни өсөн экологик шыршыны һайлауығыҙ тураһында ҡыҫҡаса яҙырға;
  5. Шулай уҡ #экоелка_gb хэштегын ҡуйырға һәм @greenbashkiria төркөмөн билдәләргә лә онотмағыҙ.
  6. Әлеге конкурс 27 декабргә тиклем дауам итә. Иң үҙенсәлекле шыршы авторына махсус бүләк тапшырыласаҡ.
    Читайте нас в