+9 °С
Ясна
Бөтә яңылыҡтар
Новости
26 Февраль 2021, 12:09
Әлфиә Ғәзизова – Башҡортостандың баш ҡалаһы башҡорт теле һәм әҙәбиәте йыл уҡытыусыһы
Өфө ҡала мәҙәниәт һарайында «Башҡортостандың баш ҡалаһы йыл уҡытыусыһы – 2021», «Башҡортостандың баш ҡалаһы башҡорт теле һәм әҙәбиәте йыл уҡытыусыһы – 2021» ҡала бәйгеһен ябыу, шулай уҡ «Балаларға йөрәгемде бирәм», «Педагог-тикшеренеүсе – 2020», «Педагог-оҫта» конкурс еңеүселәрен бүләкләү тантанаһы үтте. Әлеге йылда улар «Уҡытыусы – иң мөһим фәндәрҙе һаҡлаусы» девизы менән ойошторолоп,Рәсәйҙә Фән һәм технологиялар йылына арналды.
Быйыл «Йыл уҡытыусыһы» һөнәри бәйгеһендә үҙ эшен белгән 66 педагог көсөн һынаны, 21 йәш уҡытыусы ҡатнашты. Уларҙың оҫталыҡтарын фән эшмәкәрҙәре, атҡаҙанған уҡытыусылар, үткән йылдарҙа конкурс еңеүселәре баһаланы. Һынауҙарҙа башланғыс синыф, инглиз теле, математика, урыҫ теле һәм әҙәбиәте, биология, география, химия, тарих һәм йәмғиәтте өйрәнеү, музыка, физик культура, башҡорт теле һәм әҙәбиәте, татар теле һәм әҙәбиәте уҡытыусылары иң-иңе булыу өсөн көрәште.
Һөҙөмтәләр буйынса лауреаттар һәм еңеүселәр билдәләнде. «Башҡортостандың баш ҡалаһы йыл уҡытыусыһы» конкурсының абсолют еңеүсеһе булып 3-сө гимназияның физика уҡытыусыһы Пётр Белобородов танылды. 21-се лицейҙың тарих һәм йәмғиәтте өйрәнеү уҡытыусыһы Әмирхан Тимерханов «Башҡортостандың баш ҡалаһы йыл уҡытыусыһы» номинацияһында еңеүсе булып ҡыуанды. 58-се лицейҙан башҡорт теле һәм әҙәбиәте уҡытыусыһы Әлфиә Ғәзизова – «Башҡорт теле һәм әҙәбиәте йыл уҡытыусыһы», 93-сө математика-физика лицейынан Андрей Блинов – «Урыҫ теле һәм әҙәбиәте йыл уҡытыусыһы», 84-се гимназиянан татар теле һәм әҙәбиәте уҡытыусыһы Айгизә Ғабдрахманова «Башҡортостандың баш ҡалаһы татар теле һәм әҙәбиәте йыл уҡытыусыһы» булды.
98-се мәктәптең инглиз теле уҡытыусыһы Кирилл Кәбиров –«Педагогик дебют», 104-се мәктәптең математика уҡытыусыһы Ольга Кошелева «Перспективалы ҡараш» номинацияларында еңде. «Йөрәгемде балаларға бирәм» конкурсында абсолют еңеүсе исемен «Орион» балалар ижады һарайының өҫтәмә белем биреү педагогы Тереза Амбарцумян яуланы. Бөтә донъя башҡорттары ҡоролтайы «Башҡортостандың баш ҡалаһы башҡорт теле һәм әҙәбиәте йыл уҡытыусыһы» конкурсында ҡатнашыусы 10 уҡытыусыға махсус приздарын тапшырҙы.
Хәтерегеҙгә төшөрөп үтәбеҙ, 24 йыл эсендә был һөнәри конкурста 2 мең 600-ҙән ашыу уҡытыусы ҡатнашҡан, 70-тән артыҡ уҡытыусы еңеүсе булған.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж