Әйтеүҙәренсә, уны ташландыҡ йортта табалар, эргәһендә яҙып ҡалдырған хаты ла булған. Билдәле булыуынса, егет 21 июнь көндө БДИ-ны “уртаса” балдарға тапшырғандан һуң юғалған. Ата-әсәһе белдереүенсә, ул шунан алда атаһы менән телефондан һөйләшкән, һүҙ нимә хаҡында барғандыр - билдәһеҙ, өйҙә бер ниндәй конфликт та, әрләшеү ҙә булмаған. Туғыҙынсы синыфты үҫмер тик “бишле” билдәләренә генә тамамлаған булған, ә был юлы, моғайын, ундай һөҙөмтә көтмәгәндер, күрәһең. Егеткә 19 июндә 18 йәш тулған була. Денистың ата-әсәһенә, туғандарына түҙемлек, сабырлыҡ бир инде, Хоҙайым!