Был байрамға ярашлы, бер нисә ҡыҙыҡлы сара ҡаралған. Шуларҙың береһе – Өфө, Стәрлетамаҡ, Салауат ҡалаларынан туристар һәм Халыҡтар дуҫлығы йорто филиалдары – тарихи-мәҙәни үҙәк белгестәре ҡатнашлығында этнографик тур. Был көндө уны ябыу тантанаһы уҙасаҡ, экскурсоводтар конкурсына ла йомғаҡ яһаласаҡ.
Республика байрамына тарихи-мәҙәни үҙәк белгестәре милли аш-һыу ризыҡтарынан күргәҙмәләр ҙә әҙерләй, туристар өсөн биҙәү-ҡулланма сәнғәте буйынса оҫталыҡ дәрестәре лә күрһәтеләсәк.
Әйтергә кәрәк, башҡорт балы республика байрамы Рәсәй Федерацияһы президенты грантын тормошҡа ашырыуға ярашлы ойошторола.
Фото: https://ufa.bezformata.com/listnews/bashkirskogo-myoda-bal-bayrami/96205140/.