Ҡыш бабайҙарҙы Рәсәй актеры Никита Джигурда етәкләһә, Ҡарһылыуҙы телетапшырыуҙар алып барыусыһы Евгения Машко үтәне. Сарала республикабыҙҙың төрлө район-ҡалаларынан килгән меңгә яҡын Ҡыш бабай ҡатнашты. Парад Профсоюздар йорто янынан башланып, Чернышевский, Ленин, Коммунистик урамдары буйлап дауам итте. Ҡунаҡһарай янындағы майҙанда Ҡарһылыуҙар өсөн конкурстар ойошторолдо, иң-иңдәргә бүләктәр тапшырылды. Ҡунаҡтар өсөн әҙерләнгән концерт программаһы байрам кәйефе өҫтәне.