Ышанысығыҙҙы аҡлармын

Мин гүзәл тәбиғәтле Ишембай районының Иҫке Һәйет ауылында тыуғанмын. Хәҙер ҡалалағы интернат-лицей­ҙа VII «И» синыфында уҡыйым. Спортты яратам, уҙғарылған сараларҙа әүҙем ҡатнашам.
Рәсәй, Башҡортостан Журналистар союзы ағзаһы, шағирә, уҡытыусым Зөһрә Үтәғолова етәкләгән «Йәш хәбәрсе» түңәрәгендә ихлас шөғөлләнәм. «Йәншишмә» гәзитендә мәҡәләләрем, шиғыр­ҙарым баҫылып тора.
Бына әле яңыраҡ ҙур ҡыуаныс кисерҙем. Миңә ярат­ҡан гәзитемдең «Йәш хәбәрсе» танытмаһын тапшырҙылар. Был көндө минән дә бәхетле кеше булмағандыр!
Илһам ҡанаттары ҡуй­ған Зөһрә Әхмәҙи ҡыҙына, «Йәншишмә» редакцияһына рәхмәт әйтке килә. Йәш хәбәрсе исемен алыу миңә дәрт һәм яуап­лылыҡ өҫтәй. Һеҙҙең ышанысығыҙҙы аҡлармын.

Әлфинур ВӘХИТОВА, йәш хәбәрсе.
Стәрлетамаҡ ҡалаһы, Ленин исемендәге 2-се интернат-лицей.