+14 °С
Облачно
Бөйөк Еңеүгә - 81 йыл
8 Мая , 04:59
Еңеү тәҙрәләре балҡып тора
Еңеү көнө алдынан беҙҙең "Йондоҙло" балалар баҡсаһы "Еңеү тәҙрәләре" Бөтә Рәсәй патриотик акцияһына ғорурлыҡ менән ҡушылды. Был акция балаларҙы, ата-әсәләрҙе һәм уҡытыусыларҙы берләштергән изге йолаға әүерелде. Маҡсаты - киләсәк быуындар өсөн азатлыҡты һәм тыныслыҡты яҡлаған ата-бабаларыбыҙҙың бөйөк батырлығы тураһында хәтерҙе һаҡлап ҡалыу.
Еңеү тәҙрәләре балҡып тора
Акция барышында беҙҙең балалар баҡсаһының тәҙрәләре бөтөнләй үҙгәрҙе: уларҙа сағыу Георгий таҫмалары, ҡыҙыл йондоҙҙар, тыныслыҡ күгәрсендәре барлыҡҡа килде. Тәрбиәселәр, балалар һәм уларҙың ата-әсәләре күмәкләп биҙәне уларҙы.
"Еңеү тәҙрәләре" акцияһында ҡатнашыу - уларҙы биҙәү генә түгел, бәләкәстәрҙә патриотизм үҫтереү ҙә. Беҙ балаларға Еңеүҙең әһәмиәте, совет һалдаттарының ҡаһарманлығы һәм тыныслыҡты һаҡлау ни тиклем мөһим булыуы тураһында һөйләйбеҙ. Бындай саралар балаларҙа үҙ иле өсөн ғорурлыҡ һәм уның тарихына хөрмәт тойғоһо тәрбиәләүгә ярҙам итә.
Гөлсиә БИКМЫРҘИНА, Илсиә ИҪӘНДӘҮЛӘТОВА, тәрбиәселәр.
Баймаҡ ҡалаһы.
Еңеү тәҙрәләре балҡып тора
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
