+12 °С
Ямғыр
Бөтә яңылыҡтар
Һөнәре барҙың – ҡәҙере бар
11 Ғинуар 2019, 17:42
Ҡыҙҙар ҙа ҡалышмай
Салауат Шәймөхәмәт улы Миңлеғәлин 40 йылдан артыҡ Ҡыҙрас мәктәбендә технология дәресен алып бара. Тәжрибәле уҡытыусы үҙенең бөтә белгәндәрен уҡыусыларына еткерергә тырыша. Элек, уҡыусылар күберәк ваҡытта, бында ҙур оҫтахана, төрлө станоктар булған. Эштәре менән район, республика кимәлендә үткән конкурстарҙа, олимпиадаларҙа ҡатнашып торғандар. Һынатмағандар. Түңәрәктә шөғөлләнеүселәр һаны егерменән дә кәм булмай. Хәҙер түңәрәк бөтөнләй эшләмәй. Ни өсөн тигәндә, балалар һаны ныҡ ҡына кәмегән.
Хеҙмәт дәресендә күберәк ағасты семәрләп биҙәү менән шөғөлләнәләр. Уҡытыусы ағайҙары тегергә лә оҫта. Шуға ла бында малайҙар ҙа, ҡыҙҙар ҙа тегергә лә, ағас менән эш итергә лә өйрәнә. Ана, ҡыҙҙар махсус бысаҡтарҙы нисек оҫта ҡуллана. Салауат Шәймөхәмәт улы әйтеүенсә, уларға был эш хатта нығыраҡ оҡшай икән. Аш бүлмәләрендә ҡуллана торған таҡталарҙы «һә» тигәнсе эшләп ҡуялар. Юғарыраҡ синыфтарҙа журнал өҫтәлдәре, кейем элгестәр, гөл һауыттарын ҡуя торған ҡулайламалар, сыйырсыҡ оялары яһайҙар. Ә былар – барыһы ла хужалыҡта кәрәк әйберҙәр.
Материалды Салауат Шәймөхәмәт улы ҡыштан уҡ үҙе әҙерләй. Йүкә ағасынан таҡталар ярып, һәр береһенә етерлек итеп килтереп ҡуя. Балалар өсөн бер нәмә лә йәл түгел, ти ул. Үҙ эшен яратҡан кешеләр генә шулай ваҡыт менән дә, аҡса менән дә иҫәпләшмәйҙер инде.
Х. ХӨСӘЙЕНОВА.
Дәүләкән районы, Ҡыҙрас мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж