0 °С
Болотло
Бөтә яңылыҡтар
Һөнәре барҙың – ҡәҙере бар
14 Июнь 2019, 13:03
Ике ысул менән икмәк бешерә белә
Бәләкәй генә булһа ла, төрлө ризыҡтар әҙерләргә бик ярата Лиза. Әсәһе нимәлер бешерә башлаһа, йәһәт кенә яулыҡтарын ябынып, алъяпҡыстарын кейә һалып та ала.
– Ҡарт өләсәйебеҙ бешергән икмәк тәмлерәк була торғайны, тип әсәйем гелән маҡтағас, мин дә ҡыҙыҡһына башланым. Уның үҙенән ике төрлө ҡамыр әсеткеһе эшләү юлын өйрәндем: береһе – шыттырылған бойҙай, икенсеһе – ҡомалаҡ менән. Уларҙы әҙерләр өсөн тарттырылмаған бойҙай һәм юғары сортлы он кәрәк була.
Тәүге әсеткене эшләр өсөн бойҙайға һыу ҡоябыҙ. Күбә башлаһа, артығын түгеп, полиэтилен ҡаплап, төнгөлөккә ҡалдырабыҙ. Унан шыттырылған бойҙайыбыҙҙы блендер аша үткәреп, һыу, 1 ҡалаҡ шәкәр ҡомо һалабыҙ. Ул ҡаймаҡ ҡуйылығы һымаҡ килеп сығырға тейеш. Аҙаҡтан тишек ҡапҡас менән ябылған банкаға һалып, бер аҙға ҡуйып торабыҙ.
Ә икенсеһе өсөн кәстрүлгә 1 стакан ҡомалаҡ, шул сама һыу һалып, 10 – 20 минут тирәһе ҡайнатабыҙ. Унан һүндереп, төнәтергә ҡуябыҙ. 12 сәғәттән һуң инде 1 ҡалаҡ бал, 1 стакан он һалып, ҡаймаҡ ҡуйылығы хәленә килтерәбеҙ. Шулай уҡ тишек ҡапҡаслы банкаға һалып, йылы урынға ултыртабыҙ.
Ошо ике төрлө әсеткенән әсәйем менән икмәк бешереп, синыфташтарымды ла һыйланым. Бик тәмле килеп сыҡҡан, тип маҡтанылар, – ти Стәрлетамаҡтағы 33-сө мәктәптә беренсе синыфты тамамлаған Лиза Ульянова.
Был турала ғилми хеҙмәт яҙып, Әлшәй районының Раевка ҡасабаһында уҙғарылған башланғыс синыф уҡыусыларының «Бөтәһен дә белгем килә» республика фәнни-ғәмәли конференцияһында еңеү ҙә яуланы йәш хужабикә. Ул баһалама төркөмө ағзаларын һәм секцияла ҡатнашыусыларҙы ла әсәһе менән бергәләп бешергән икмәктәре менән һыйланы. Ысынлап та, бик тәмле килеп сыҡҡан ине.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж