+12 °С
Ямғыр
Бөтә яңылыҡтар
Һөнәре барҙың – ҡәҙере бар
24 Ғинуар 2020, 12:29
Был йортто йыл хужалары һаҡлай
Ҡар-бурандар сысҡандарҙы күмә лә китә. Гүзәл шуларҙы көрәргә тышҡа сыҡты. Артынан Гөлфинә һеңлеһе лә һепертке тотоп килде.
Ниндәй сысҡандар, тиһегеҙме? Быйылғы йылдың хужалары инде. Улар Ялсыҡай ауылына килеп кергән урамда Ҡотломбәтовтарҙың ҡапҡаһы алдына урынлашҡан. Бигерәк ҙур сысҡандар, ике яҡтан да һуҙылып ятҡандар.
Бындай мөһабәт йыл символдарын эшләү идеяһы ҡыҙҙарҙың атаһы Русландың уйына килә. Себерҙә вахта менән эшләп йөрөй ул. Бер ялға ҡайтҡанында, урамды йәмләп торһон әле тип, ошо боҙ һындарҙы яһарға ниәтләй. Ҡыҙҙары – VII, VIII синыфтарҙа уҡыған Гүзәл менән Гөлназ да, дүртенселәге Гөлфинә лә аталарына ярҙамлаша: ҡар өйөшәләр, һыу ташып ҡатыралар, күҙҙәрен, танауҙарын, ҡолаҡтарын, ауыҙҙарын буяйҙар. Әсәйҙәре Рита ла күмәк эшкә ҡушыла.
Йыл хужалары, әйтерһең дә, Ҡотломбәтовтар ғаиләһенә именлек, бәхет теләп, ҡапҡаның ике яғына килеп «ята».
Тик бына һауа шарттары ғына көйһөҙ быйыл. Йә йылытып, иретеп ебәрә, йә буран сығып, сысҡандарҙы ҡар күмеп китә. Шуға ҡыҙҙар уларҙың өҫтөнән ҡарҙарҙы һепереп төшөрә, тирә-яғын көрәп, таҙартып тора. Йыл хужаларының үҙҙәрен дә, башҡа кешеләрҙе лә оҙағыраҡ шатландырып тороуын теләйҙәр. Әйҙә, башланып ҡына торған йыл ошо йортта йәшәүселәргә шатлыҡ-ҡыуаныстар ғына килтерһен.
Көйөргәҙе районы, Ялсыҡай ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж