-3 °С
Ҡар
Бөтә яңылыҡтар
Һөнәре барҙың – ҡәҙере бар
13 Март 2020, 13:39
Эштәре күргәҙмәләрҙе биҙәй
Һөнәрле кеше хөрмәт күрә, тигән һүҙҙәр тап Рима Ғәлимйән ҡыҙы тураһында әйтелгән кеүек. Үҙ эшен яҡшы белгән уҡытыусыны беҙҙең лицейыбыҙҙа барыһы ла ярата, хөрмәт итә.
Рима Усманова Солтанморат ауылында уҡытыусылар ғаиләһендә донъяға килгән. Мифтахетдин Аҡмулла исемендәге Башҡорт дәүләт педагогия университетын уңышлы тамамлағандан һуң лицейҙа ең һыҙғанып эш башлай. Бәләкәйҙән рәсем төшөрөргә, тегергә, бешерергә яратҡан йәш, сибәр ҡыҙ тәбиғәттән бирелгән оҫталығын уҡыусы күңеленә еткерергә ашыға.
Балаларҙы уҡытыуҙан тыш, ижад итергә лә ваҡыт таба. Ул ғәҙәттәге акварель, пастель, гуашь, майлы буяуҙар ҡулланып ҡына һүрәт төшөрмәй. Витраж, монотипия, епле график, кейеҙ, батик, эбру, йөндән картиналар буйынса ла уңышлы эшләй. Балаларҙы ла ҡыҙыҡһындырып, уларҙы был эштәргә йәлеп итә. Рәсем, хеҙмәт дәрестәре буйынса төрлө фәнни-ғәмәли конференцияларҙа, олимпиадаларҙа, семинарҙарҙа, «түңәрәк өҫтәл»дәрҙә ҡатнашалар. Уҡыусылары остаздарын еңеүҙәре менән йыш ҡыуандырып тора.
Район, мәктәп кимәлендә ниндәй генә байрам сараһы, күргәҙмә булмаһын, улар гел генә алтын ҡуллы Рима Ғәлимйән ҡыҙының эштәре менән биҙәлә. Уның картиналары, төрлө папье-маше ысулы менән эшләнгән хайуандар һындары, битлектәр, бәйләнгән әйберҙәр – барыһы ла күҙҙең яуын алып, килеүселәрҙең иғтибарын йәлеп итә.
Рима Усманова һәр ваҡыт эҙләнеү өҫтөндә, яңы ижади пландар менән янып йәшәй. Уның «Матурлыҡ донъяны ҡотҡарыр» тигән маҡсат менән алға ынтылыуы йәш быуын өсөн яҡты маяҡ булып тора.
Рәйсә ИСЛАМҒОЛОВА, башҡорт теле һәм әҙәбиәте уҡытыусыһы.
Ауырғазы районы, Талбазы ауылы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж