— Халҡыбыҙҙың шифалы эсемлеген беҙҙең ауылда һәр йортта тиерлек әҙерләйҙәр. Сөнки элек-электән ҡунаҡҡа килгәндәрҙе буҙа менән ҡаршы алғандар. Буҙа — халҡыбыҙҙың шифалы эсемлектәренең береһе. Ҡунаҡҡа айырыуса хөрмәт күрһәтеү билдәһе лә булған буҙа менән һыйлау.
Ғөмүмән, буҙа — витамин һәм минералдарға бай ризыҡ. Ашҡаҙан, бөйөр, бауыр, нервылар системаһы эшмәкәрлеген яҡшырта. Бөгөн, шөкөр, ошо туҡлыҡлы һәм файҙалы эсемлегебеҙгә иғтибар арта, — тип һөйләй уңған Суриналар.
Мәғлүмәт һәм фото: vk.com