Матур биҙәүестәр яһай

Шундай оҫта ҡуллы ҡыҙ Белорет районының Тимер юл ауылында йәшәй. Ул – Рузалина Хәлилова. Ғаиләлә берҙән-бер ҡыҙ. Быйыл Республикабыҙҙың мөмкинлектәре сикләнгән балаларға дистанцион белем биреү үҙәгенең I синыфын уңышлы ғына тамамланы.
Был бәләкәй генә ҡыҙ туғандарыбыҙ араһында яратылып, иркәләнеп кенә үҫеп килә. Тыумыштан атлай алмаһа ла, юғалып ҡалмай, тырышып уҡый, буш ваҡыттарында тәүҙә һүрәт төшөр­һә, ә хәҙер өләсәһенең һаҡал, ҡашмау эшләгәнен күҙәтеп, үҙе лә сейләндән беләҙектәр, муйынсаҡтар яһарға өйрәнә. Күңел йылыһын һалып, күҙ нур­ҙарын түгеп башҡарған эштәрен төр­лө байрамдарҙа яҡындарына бүләк итә.
Рузалинаның был яратҡан шөғөлөнән киләсәктә лә айырылмауын, тағы ла оҫтарыуын, беҙҙе матур-матур биҙәүестәре менән ҡыуандырып тороуын теләйем.

Филүзә НУРМӨХӘМӘТОВА, уҡытыусы.
Белорет районы.