+22 °С
Ямғыр
Һөнәре барҙың – ҡәҙере бар
27 Июль 2023, 09:35
Ҡыҫтыбый бешерергә өйрәнделәр
Баш ҡалабыҙҙағы «Бишбармаҡ» кулинар студияһында милли аш-һыу әҙерләргә өйрәнеү мөмкинлеге бар. Мәҫәлән, унда сәк-сәк, бишбармаҡ, ҡыҫтыбый, бәлеш бешереү буйынса оҫталыҡ дәрестәре йыш үткәрелеп тора.
Ҡыҫтыбый бешерергә өйрәнделәр
Студияла Мостай Кәрим исемендәге 158-се башҡорт гимназияһының V «А» синыфы ла булып ҡайтты. Улар ҡыҫтыбый бешерергә өйрәнделәр. Әйткәндәй, был ашамлыҡ – башҡорт милли аш-һыуының бер төрө. Ул сөсө ҡамырҙан бешерелә. Ҡыҫтыбыйҙың эслегенә тары, ҡарабойҙай бутҡаһы, картуф иҙмәһе ҡулланыла.
Уҡыусылар: «Ҡыҫтыбый бешереү өсөн бигүк оҙаҡ ваҡыт кәрәк түгел икән. Ҡайтыу менән, ата-әсәйҙәребеҙгә, туғандарыбыҙға ла ашатырбыҙ!», – тиҙәр. Шулай уҡ унда улар рәхәтләнеп уйнанылар, бейенеләр, башҡорт тирмәһе итеп биҙәлгән этнозонала фотоға төшөргә лә онотманылар. Оҫталыҡ дәресенән көс-дәрт алып, күтәренке кәйеф менән ҡайттылар.
Лилиә СОЛТАНОВА
Ҡыҫтыбый бешерергә өйрәнделәр
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
