Ҡыҙҙарға – селтәр, малайҙарға – түбәтәй

Шул хаҡта Башҡортостандың халыҡ яҙыусыһы Ғайса Хөсәйенов: «Үткән заманды белмәй, хәҙергене төшөнөү ҡыйын икән, хәҙергене аңламайынса, киләсәкте күреү мөмкин түгел», – тип яҙа бит. Бик хаҡ һүҙҙәр.

Бына Әбйәлил районы Асҡарҙағы Таһир Күсимов исемендәге гимназияның шайморатовсылар синыфы технология дәресендә башҡорт биҙә­үестәренә арналған «Селтәр» проектын башлап ебәргән. Әйҙәүселәре – Раушания Раил ҡыҙы Аҡбулатова (технология уҡытыусыһы) һәм алтынсыларҙың атай-әсәй­ҙәр комитеты етәксеһе Гөлнәзирә Садиҡ ҡыҙы Теләүғолова.

Шайморатовсылар синыфындағы ҡыҙҙар үҙҙәренә зауыҡлы һәм заманса селтәрҙәр эшләп алған. Башта улар ҙур ҡыҙыҡ­һыныу менән баш­ҡорт халҡының милли биҙә­үестәрен өйрәнгән. Төрлө сығанаҡтан эҙләнеп, күп нәмәгә төшөнгәндәр. Бик әһәмиәтле дәрес булған. Хәҙер был синыф ҡыҙҙары бер иш кенә башҡорт ҡатын-ҡыҙҙарының биҙәүес әйберҙәрен та­ғып йөрөй. Тиҙҙән малайҙар өсөн түбәтәй тегә башлаясаҡтар.

Бик матур күренеш! Башҡорт халҡының мә­ҙәниәтенә, сәнғәтенә ҡарата ҡы­ҙыҡһыныу уят­ҡан һәм һөйөү тәрбиәләгән уҡытыусылары менән атай-әсәйҙәр комитетына һоҡ­ланмау мөмкин түгел. Афарин!