Илсиә бәлеш бешерергә өйрәтә

– Беҙҙең Илсиә мәктәптә уҙғарылған бар сарала ла әүҙем ҡатнаша. Ниндәй генә эш ҡушһаң да, ихлас итеп, еренә еткереп баш­ҡарып ҡуя. Дәрескә лә гел сәсен килештереп үреп, матур итеп кейенеп йөрөй. Ҡул эштәре буйынса түңәрәктең бер дәресен дә ҡалдырмай, – ти.

Бөгөн һеҙгә Йәшел Йылан йылында тыуған, аш-һыуға маһир Илсиәнең бәлеш бешереү ысулын өйрәтәбеҙ.

Бәлешкә ҡамыр баҫыу өсөн 200 грамм аҡ май йәки кефир, 200 грамм йылы һыу йәки һөт, 1 балғалаҡ тоҙ, 1 ҡалаҡ шәкәр ҡомо һәм самалап он кәрәк буласаҡ. Эслек өсөн 1 килограмм ҡош ите (өйрәк, ҡаҙ), 1 килограмм картуф, 2 баш һуған, 1 ҙур кишер (теләк буйынса), әҙерәк аҡ май (үҙегеҙ самалағыҙ), тоҙ һәм борос алына. Бәлеште әҙерләп бөткәс, 180 градус эҫелектәге мейестә 2 сәғәт бешерәбеҙ, сәғәт ярым үткәс, эсенә кәрәгенсә һурпа өҫтәйбеҙ. Шунан өҫтөн ҡурғаш менән ҡаплап, мейестә йәнә 30 минут бешерәбеҙ.