+16 °С
Болотло
Бөтә яңылыҡтар
Һөйөнсө
2 Март 2018, 20:45
Янғантауҙан бит ул!
Һай, үҙебеҙҙең башҡорт ҡыҙҙары! Мәскәүгә барып та бөтәһен һоҡландырып ҡайталар.
Һай, үҙебеҙҙең башҡорт ҡыҙҙары! Мәскәүгә барып та бөтәһен һоҡландырып ҡайталар. Уҙған аҙнала «Тауыш. Балалар» поектында ҡатнашыусы яҡташыбыҙ Наҙгөл Отузованың сығышын ғорурланып, хайран ҡалып ҡараныҡ. Салауат районының Янғантау ауылынан 14 йәшлек ҡыҙ итальян телендә «Адажио» композицияһын башҡарҙы. Ул йырлай башлау менән жюри ағзаларының барыһы ла ҡыҙыл төймәгә баҫып, йәш йырсыға йөҙҙәре менән боролдо һәм йырҙың аҙағынаса һоҡланыуҙарын йәшерә алмай ултырҙы. Аҙаҡтан тамашасылар менән бергә үҙен аяғөҫтө тороп алҡышланылар. Афарин, Наҙгөл!
– Күптәр ошо йырҙы һайлай, ләкин барыһы ла һинең кеүек таҙа һәм яҡшы итеп башҡарып сыға алмай. Әйт әле, һеҙҙә барыһы ла шулай матур йырлаймы? – тип иң беренсе булып Валерий Меладзе ҡыҙыҡһынды.
– Беҙ йәшәгән ауыл шифахана янында ғына. Кешеләр уның файҙалы боҫо менән дауалана. Бәлки, минең тауышыма ла тәьҫире тейгәндер, – тип яуапланы ҡыҙ, шатлығынан нимә эшләргә белмәйенсә.
Пелагея иһә Наҙгөлдөң көслө тауышын йыһан бульдозеры менән сағыштырҙы. Ысынлап та шулай, ул йырлағанда бөтә тән зымбырлап, ток үткән һымаҡ тойолдо. Ә бит уйлап ҡараһаң, уның махсус музыкаль белеме лә, вокал буйынса педагогы ла юҡ. Үҙ аллы шөғөлләнеп кенә шундай уңыштарға өлгәшкән бит Наҙгөл. Биш йәшендә генә «Тамыр» каналының «Сулпылар» бәйгеһендә ҡатнашҡан. Ике йыл элек «Өфө тулҡыны – 2016» популяр йыр һәм музыка фестиваль-конкурсында 11 – 13 йәшлектәр араһында «Дебют» номинацияһында еңеү яулай. Өйҙәрендә һәр ваҡыт башҡортса йырлайҙар. Башҡорт теле уҡытыусыһы әйтеүенсә, әлеге конкурсҡа ла кәрәк булһа, тип башҡорт йырын да әҙерләгәндәр.
Остаздарҙың һәр береһе йәш талантты үҙенең командаһына алғыһы килһә лә, ҡыҙ Бастаны һайланы.
Хәлиҙә ЧЕМБАРИСОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж