-4 °С
Ҡар
Бөтә яңылыҡтар
Һөйөнсө
10 Март 2018, 13:12
«Сулпан»дар килде Өфөгә
Республикабыҙҙа берҙән-бер балалар театры бар, исеме уның – «Сулпан». Күптән түгел Өфөнөң йәш тамашасыларына ла ошо коллективтың яңы спектаклен ҡарау бәхете тейҙе.
Спектаклдән һуң.
Республикабыҙҙа берҙән-бер балалар театры бар, исеме уның – «Сулпан». Күптән түгел Өфөнөң йәш тамашасыларына ла ошо коллективтың яңы спектаклен ҡарау бәхете тейҙе.
Сибайҙар белорус драматургы Сергей Дмитриевтың «Байлыҡ эҙләгәндә йәки отошло эш» тигән әҫәрен сәхнәләштергәйне. Ул мажараларға бай һәм шул уҡ ваҡытта уйланырға мәжбүр итә. «Сулпан» был спектаклде «Берҙәм Рәсәй» партияһының «Бәләкәй ҡалалар театрҙары» проекты буйынса ҡуйған.
Йөкмәткеһе тураһында белгегеҙ киләме? Геройҙары – ике уңышһыҙ пират, күберәк тамашасылар тураһында хыялланған ил гиҙеүсе ярлы цирк артистары һәм бер тапҡыр булһа ла цирк ҡарарға теләгән етем ҡыҙыҡай. Билли һәм Джонни бәләкәйҙән атай-әсәйһеҙ ҡалып, ошо хәлгә төшкән, әммә уларҙың холҡо бигүк насар түгел. Тик бына бәләгә тарығас, бер кем дә үҙҙәренә тәрбиәгә алып ҡарарға теләмәгән, шуға ла урам йоғонтоһона бирелгәндәр. Кеше таларға ла өйрәнгәндәр. Улар байлыҡ эҙләүҙе уңайлы юл тип уйлай. Ә етем ҡыҙыҡай Джойҙа хазина йәшерелгән урындың картаһы була. Шул арҡала әллә күпме мажараларға тарып бөтәләр.
Аҙаҡ хазина ла табыла, әммә уны бер кем дә үҙенә генә алырға теләмәй. Уртаҡ байлыҡ була бит. Ә берәҙәк егеттәр һәм етем ҡыҙыҡай циркта эшләргә теләүҙәрен белдерә. Шулай итеп, һәр кем үҙ урынын таба.
Спектаклдең ҡуйыусы-режиссёры – Нәркәс Искәндәрова. «Сулпан» театры артистары ролдәрен оҫта, бик килештереп башҡарҙы. Уңайы сыҡһа, ҡарамай ҡалмағыҙ, дуҫтар!
Э. ҒӘЛЛӘМЕТДИНОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж