+12 °С
Ямғыр
Бөтә яңылыҡтар
Һөйөнсө
12 Октябрь 2018, 15:12
Һөйөнсө!
Мәүлит Ямалетдин етәкселегендә «Өлкәр» һәләтле балаларҙы күтәрмәләү хәйриә фонды ярҙамы менән быйыл Белорет ҡалаһында уҙған «Илһам» балалар ижады фестиваль-конкурсының әҙәби-нәфис баҫмаһы – «Өлкәр» альманахы донъя күрҙе.
Мәүлит Ямалетдин етәкселегендә «Өлкәр» һәләтле балаларҙы күтәрмәләү хәйриә фонды ярҙамы менән быйыл Белорет ҡалаһында уҙған «Илһам» балалар ижады фестиваль-конкурсының әҙәби-нәфис баҫмаһы – «Өлкәр» альманахы донъя күрҙе. Унда бәйгелә еңеү яулаған уҡыусыларҙың иң яҡшы шиғырҙары, хикәйәләре һәм әкиәттәре ингән. Белорет, Бөрйән, Учалы төбәктәрендәге йәш авторҙарҙың яҙмаларынан тыш, Әбйәлил районынан Ғамир Заһретдинов (Байым мәктәбе), Зәлиә Сәғәҙәтова (Ҡырҙас), Нәсимә Нәбиуллина (Яңы Балапан) һәм Илнара Бәшәроваларҙың да (Ташбулат) ижад емештәре бар. Афарин, әбйәлилдәр!
Зөһрә КАШАПОВА, «Йәйғор» әҙәби берекмәһе етәксеһе.
Әбйәлил районы.
Ауылым
Ауылымда рәт-рәт булып
Йорттар теҙелгән.
Әйтерһең, ҡояш нурҙары
Ергә һибелгән.
Йорттар теҙелгән.
Әйтерһең, ҡояш нурҙары
Ергә һибелгән.
Баҡсаларҙа аллы-гөллө
Сәскәләр үҫә.
Гүйә, шул сәскәләр төҫө
Күңелгә күсә.
Сәскәләр үҫә.
Гүйә, шул сәскәләр төҫө
Күңелгә күсә.
Нурҙар һибеп, балҡып тора
Ауыл урамы.
Күңелемә яҡын хатта
Уның туҙаны.
Ауыл урамы.
Күңелемә яҡын хатта
Уның туҙаны.
Һәр бер өйө, һәр тәҙрәһе
Ҡарай йылмайып.
Унда йәшәй ауылдаштар,
Ерҙән дәрт алып.
Ҡарай йылмайып.
Унда йәшәй ауылдаштар,
Ерҙән дәрт алып.
Ғамир ЗАҺРЕТДИНОВ.
Ерем биҙәге
Ата-бабам, илен һаҡлап,
Ҡайнар ҡанын ҡойған ер;
Ул бит минең тыуған илем,
Күп батырҙар тыуған ер.
Ҡайнар ҡанын ҡойған ер;
Ул бит минең тыуған илем,
Күп батырҙар тыуған ер.
Сылтырап аҡҡан шишмәләре –
Һандуғастар төйәге.
Ҡалын-ҡалын урмандары –
Ул бит ерем биҙәге.
Һандуғастар төйәге.
Ҡалын-ҡалын урмандары –
Ул бит ерем биҙәге.
Зәлиә СӘҒӘҘӘТОВА.
Аҡ ҡағыҙ бите
Шағир өсөн ап-аҡ ҡағыҙ бите
Ябай түгел – алтын хазина.
Ошо ябай бер ҡағыҙға уның
Күпме уй-хистәре яҙыла!
Ябай түгел – алтын хазина.
Ошо ябай бер ҡағыҙға уның
Күпме уй-хистәре яҙыла!
Диңгеҙ кеүек уйҙар ағылалар,
Мәғәнәһе төптә, бик тәрән.
Мин дә бит шул тәрән диңгеҙҙәрҙә
Әлегә тик кәмә йөҙҙөрәм.
Мәғәнәһе төптә, бик тәрән.
Мин дә бит шул тәрән диңгеҙҙәрҙә
Әлегә тик кәмә йөҙҙөрәм.
Бәлки, ошо кескәй кәмәләрем
Әүерелер ҙур-ҙур карапҡа.
Тик әлегә кәмә йөҙҙөрәмен,
Аҡһын улар алыҫ тарафҡа.
Әүерелер ҙур-ҙур карапҡа.
Тик әлегә кәмә йөҙҙөрәмен,
Аҡһын улар алыҫ тарафҡа.
Нәсимә НӘБИУЛЛИНА.
Ватаным
Әйтегеҙсе, ҡайһы илдә
Ҡаялар шулай бейек?
Унда йәшәй татыу халыҡ,
Кешеләр шундай бөйөк!
Ҡаялар шулай бейек?
Унда йәшәй татыу халыҡ,
Кешеләр шундай бөйөк!
Бында иң гүзәл тәбиғәт,
Мәмерйә тарих һөйләй.
Башҡорт ҡурайы кешегә
Илдең үткәнен көйләй.
Мәмерйә тарих һөйләй.
Башҡорт ҡурайы кешегә
Илдең үткәнен көйләй.
Баш ҡалаһы шундай матур,
Һәйкәле менән ул дан!
Ул бит минең тыуған ерем,
Ватаным Башҡортостан!
Һәйкәле менән ул дан!
Ул бит минең тыуған ерем,
Ватаным Башҡортостан!
Ҡоштар булһам…
Ҡоштар булһам, осор инем
Ҡыуышып елдәр менән;
Сәләм биреп уҙыр инем
Танышып илдәр менән.
Ҡыуышып елдәр менән;
Сәләм биреп уҙыр инем
Танышып илдәр менән.
Сикһеҙ йыһан тик минеке,
Күк йөҙө – зәңгәр тәхет.
Бар юлдар ҙа миңә асыҡ –
Бына ҡайҙа ул бәхет!
Күк йөҙө – зәңгәр тәхет.
Бар юлдар ҙа миңә асыҡ –
Бына ҡайҙа ул бәхет!
Азатлыҡ рухы күңелдә,
Болоттар кәртә түгел.
Бар донъя, йыһан минеке,
Алға ашҡына күңел!
Болоттар кәртә түгел.
Бар донъя, йыһан минеке,
Алға ашҡына күңел!
Илнара БӘШӘРОВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж